အရောင်းဆိုင်များတွင် ဈေးဝယ်ယူရာ၌ ကတ်ဖြင့် ငွေပေးချေနိုင်သည်အထိ တိုးချဲ့လုပ်ဆောင် လာနေသော MPU (Myanmar Pay Union) ကတ်များ ATM စက်များတွင် ငွေထုတ်ယူရာ၌ အဆင်မပြေမှုများ ဖြစ်ရခြင်းမှာ ဘဏ်များ၏ နည်းပညာ အားနည်းချက်ကြောင့် မဟုတ်ဘဲ မြန်မာ့ဆက်သွယ်ရေးလုပ်ငန်း (MPT) က ဝန်ဆောင်မှု ပေးနေသည့် အင်တာနက်လိုင်း ဆက်သွယ်မှုကြောင့်သာ ဖြစ်ကြောင်း ပြည်တွင်း ပုဂ္ဂလိကဘဏ်များထံမှ သိရသည်။

“အင်တာနက်လိုင်း မကောင်းလို့ ထုတ်လို့ မရတာက ဘဏ်တွေက လုပ်ပေးလို့ မရဘူး။ MPT ရဲ့ Connection နဲ့ပဲ ဆိုင်တယ်” ဟု ကမ္ဘောဇဘဏ်မှ တာဝန်ရှိသူတစ်ဦးက ဆိုသည်။

ပုဂ္ဂလိကဘဏ်များတွင် Visa Card, Master Card, CUP Card များဖြင့် ငွေကြေးသုံးစွဲမှုကို စတင်လုပ်ဆောင်နေပြီ ဖြစ်သော်လည်း ATM စက်များမှာ မကြာခဏ အသုံးပြုမရ ဖြစ်နေကြောင်း၊ အထူးသဖြင့် ရာသီဥတု မကောင်းသည့် အချိန်များတွင် ATM စက်များမှာ Out of Service သာ ပြနေပြီး အသုံးပြု၍ မရသဖြင့် အခက်အခဲများစွာ ရှိကြောင်း MPU ကတ် သုံးစွဲသူများ၏ ပြောဆိုချက်အရ သိရသည်။

အသက် ၃၂ နှစ်အရွယ် MPU ကတ် သုံးစွဲသူ အမျိုးသားတစ်ဦးက “မိုးအုံ့တဲ့အချိန် ATM စက်မှာ ပိုက်ဆံသွားထုတ်တာ စက်က Out of Service ဖြစ်နေတယ်။ မိနစ် ၃၀ လောက် စောင့်နေရတယ်” ဟု ၎င်း၏ ကြုံတွေ့ခဲ့ရမှုကို ပြောပြသည်။

အဆိုပါကိစ္စနှင့် ပတ်သက်၍ မြန်မာ့ဆက်သွယ်ရေး လုပ်ငန်းကို အောက်တိုဘာ ၂၈ ရက်နေ့ ညနေ ၃ နာရီဝန်းကျင်တွင် ဖုန်းဖြင့် ဆက်သွယ် မေးမြန်းခဲ့သော်လည်း ပြန်လည် ဖြေကြားခဲ့ခြင်း မရှိပေ။

မြန်မာနိုင်ငံတော် ဗဟိုဘဏ်သည် အသေးစားအလတ်စား ငွေကြေး ပေးချေမှုများတွင် ငွေသားအသုံးပြုမှု လျှော့ချနိုင်ရန် ရည်ရွယ်၍ ၂၀၁၁ ခုနှစ် စက်တင်ဘာလတွင် Myanmar Payment Union (MPU) ကို ပြည်တွင်းဘဏ် ၁၅ ခုကျော်ဖြင့် ဖွဲ့စည်းခဲ့ပြီး ATM Card များကို ၂၀၁၁ ခုနှစ် နိုဝင် ဘာလတွင် စတင်အသုံးပြုခွင့် ပေးခဲ့သည်။

Myanmar Payment Unoin (MPU Card) ကိုမူ ၂၀၁၂ ခုနှစ် စက်တင်ဘာလ ၁၅ ရက်နေ့က စတင်အသုံးပြုခဲ့ပြီး နိုင်ငံခြား ငွေထုတ် ကတ်များဖြစ်သည့် Visa Card, Master Card, CUP Card များကိုလည်း ပြည်တွင်းဘဏ်များနှင့် ချိတ်ဆက် အသုံးပြုလျက်ရှိကာ လက်ရှိ MPU ကတ် အသုံးပြု သူ တစ်သိန်းကျော် ရှိကြောင်း ပုဂ္ဂလိက ဘဏ်များ၏ ထုတ်ပြန်ချက်များအရ သိရသည်။