ကျွန်တော်တေငှက်လေးတွေကိုသနားပါတယ်ဗျာ....၊ကျွန်တော်တော့ ငှက်သိုက်ကို တစ်သက်လုံးမသောက်ဘူး.၊ :(

ကွန်ဆူး မား

 

``ငှက်သိုက်ဟူသည်´´

ငှက်သိုက်သည် ပျံလွှားငှက် တစ်မျိုးတွင် ပါဝင်သည့် ငှက်များက လုပ်သော အသိုက် ဖြစ်ပါသည်။ မိုးစာငှက်၊ 

ပြီးလဲငှက်၊ ဇီဝစိုးးငှက်များမှ ငှက်သိုက်ကို ထုတ်ယူရရှိနိုင်၏။ မြန်မာ နိုင်ငံတွင် ငှက်သိုက်ကို ဇီဝစိုးငှက်မှသာ 

ရရှိပါသည်။ ဇီဝစိုးငှက်သည် လေထဲတွင် ပျံသန်းရင်း ပိုးမွှားကောင်များကို ဖမ်းစားတတ်သောကြောင့် 

``လေစားငှက်´´ ဟုလည်းခေါ်သည်။ ဇီဝစိုး ငှက်မှ အမဲရောင်ငှက်သိုက်နှင့် အဖြူရောင် ငှက်သိုက် (၂)

မျိုးရရှိပါသည်။ အမဲရောင်ငှက်သိုက် ကို Collocalia innominata ဆိုသည့် ဇီဝစိုးငှက်မှ ရရှိပြီး 

အဖြူရောင်ငှက်သိုက်ကို Collocalia fuciphaga ဆိုသည့် ငှက်သိုက်မှ ရရှိသည်။

``ငှက်သိုက်ထွက်ရှိရာဒေသ´´

မြန်မာနိုင်ငံတွင် ငှက်သိုက်များကို ထားဝယ်ကမ်းခြေအနီးရှိ ကျွန်းများ၊ မြိတ်ကျွန်းစု၊ ပုသိမ်မြို့ 

အနောက်တောင်ဘက်ရှိ ကျွန်းများတွင် တွေ့ရ၏။ တနင်္သာရီတိုင်းအတွင်းရှိ ငှက်သိုက် ကျွန်းပေါင်း (၃၂)ကျွန်းမှ 

အဖိုးတန်းငှက်သိုက်များ ထွက်ရှိပါသည်။ မြိတ်ကျွန်းစုရှိ ငှက်သိုက်များကို ပုလောမြို့နယ်ရှိ မလိကျွန်း၊ 

ကျွန်းစုမြို့နယ်ရှိ ရေအေးကျွန်းစု၊ ဘုတ်ပြင်း မြို့နယ်ရှိ ပုလုတိကျွန်းစု၊ ကော့သောင်းမြို့နယ်ရှိ ကဆိုင်းလှနှင့် 

ကော့ငန်းကျွန်းစု များမှ ရရှိ၏။ ယင်းကျွန်းစုများ အနက် မလိကျွန်းမှ ငှက်သိုက်အများဆုံး ရရှိသည်။

``ဇီဝစိုးငှက် ပုံသဏ္ဍာန်´´

မြန်မာနိုင်ငံတွင် ငှက်သိုက်အများဆုံး ထုတ်လုပ်ပေးသော ဇီဝစိုးငှက်သည် စာကလေး အရွယ်ခန့်သာ ရှိပြီး 

မီလီမီတာ ၁၀၀ မှ ၄၀၀ အတွင်းရှိသည်။ ကျောဘက် ငှက်မွေးမှာ အမဲရောင် ရှိပြီး ၀မ်းဘက် ငှက်မွေးမှာ မီးခိုးရောင် 

ဖြစ်နေ၏။ ဦးခေါင်းမှာ သေးလုံးနေပြီး ကတော့ပုံရှိ မာသော နှုတ်သီးနှင့် ကျယ်သော ပါးစပ်ပေါက် ရှိသည်။ 

တောင်ပံသည် ချွန်ပြီး အမြီးတိုသောကြောင့် ပျံသန်းမှုကို လျင်မြန်စေသည့် အပြင် ညအိပ်သည့် အချိန်မှ လွဲ၍ 

တစ်နေ့လုံး ပျံနိုင်သည်။ တိုပြီးကောက်နေသော ခြေသည်းပါသည့် ခြေချောင်း(၄)ချောင်းရှိ၏။ ခြေချောင်း(၄)

ချောင်းအနက် (၃)ချောင်းသည် အရှေ့ဘက်သို့ ကား၍ ညွှန်းနေသောကြောင့် ကျောက်ဆောင် အစွန်းနှင့် 

အဆောက်အဦး များတွင် ခိုင်မြဲစွာ ကုတ်တွယ်ထားနိုင်သည်။

``ဇီဝစိုးငှက်၏ သဘာဝ´´

ဇီဝစိုးငှက်သည် လူနှင့်ဝေးသည့် ပင်လယ်တွင်း ကျွန်းအချို့၌ ကျောက်ဆောင် လှိုဏ်ဂူများ အကြားတွင် 

နေထိုင်လေ့ရှိသည်။ အုပ်စုဖွဲ့နေတတ်၍ တစ်အုပ်စုလျှင် ထောင်ပေါင်း များစွာ ပါဝင်၏ ။ မြေပြင်တွင် 

ကျက်စားလေ့မရှိပေ။ ဝေဟင်နှင့် ပင်လယ် ရေပြင် ထက်တွင် လျင်မြန်စွာ ပျံသန်းစဉ် တောင်ပံပါ အင်းဆက်များကို 

ဖမ်းယူ စားသောက် ပေသည်။ တိမ်ရှိသည့် နေရာအထိ မြင့်မားစွာ ပျံသန်း နိုင်၍ အမြင်အာရုံ စူးရှပြီး လျင်မြန် 

ဖြတ်လတ်၏။ တပေါင်း၊ တန်ခူးလမှ စ၍ ငှက်သိုက်ပြုလုပ်တတ်သည်။ ၄င်းတို့၏ ငှက်သိုက်များသည် အခြား 

ငှက်များကဲ့သို့ သစ်ရွက်၊ သစ်ကိုင်းများဖြင့် မပြုလုပ်ကြပဲ ထူးဆန်းစွာ အာခေါင်မှ အာစေး တစ်မျိုးကို အန်ထုတ်၍ 

အသိုက်ပြုလုပ်ကြသည်။ ယင်းအသိုက်များတွင် ငှက်မများ ၀င်ဥ ကြသည်။ တစ်နှစ်လျင် နှစ်ကြိမ်ဥပြီး တစ်မြုံလျှင် ဥ 

နှစ်လုံးရှိသည်။ အများအားဖြင့် အထီး တစ်ကောင်၊ အမ တစ်ကောင် ပေါက်သည်။ ငှက်မသည် ငှက်ကလေးများကို 

နှစ်လ ကြာမျှ ကျွေးမွေး ပြုစုပြီး နောက် အသိုက်မှ ဆင်းသွားကြသည်။

``အသိုက်ပြုလုပ်ပုံ´´

ဇီဝစိုးငှက်များသည် မျိုးပွားရာသီဖြစ်သော ဇန်န၀ါရီလ ၊ ဧပြီလနှင့် သြဂုတ်လများတွင် ဥများဥရန် 

အသိုက်ဆောက်လေ့ရှိသည်။ အသိုက်ဆောက်မည့် ကျောက်လှိုဏ်ဂူအမိုးမှာ ပေ ၄၅၀ ကျော်ခန့်အထိ မြင့်မားလှ၏။ 

ဇိဝစိုးငှက်အထီးကသာ အိမ်ဖွဲ့ပေးလေ့ရှိသည်။ အသိုက် ဆောက်လုပ်ရာတွင် ငှက်၏ တံတွေးဂလင်းမှ 

စစ်ထုတ်လိုက်သော တံတွေးရည်များနှင့် ချေဖျက်ပြီး အစာရည်အချို့ပါဝင်၏။ အသိုက်ပြုလုပ်မည့် နေရာကို 

စိတ်ကြိုက်ရွေးချယ်ပြီး တံတွေးများကို အံထုတ်လုိုက်သည်။ ယင်းတံတွေးများသည် လေနှင့် ထိတွေ့သည့်အခါ 

မာကြောသွား၏။ ယင်းအံဖတ်များကို ထပ်ခါထပ်ခါ အံပြီး နှုတ်သီးဖြင့် ခွက်ပုံသဏ္ဍာန်ဖော်ပေး သည်။ 

တစ်ခါတစ်ရံတွင် ငှက်သိုက်၏ သွေးစများ ပါလာတတ်သည်ကို တွေရ၏။ ငှက်သိုက်မှာ အရွယ်ရောက် 

ငှက်တစ်ကောင်နှင့် ငှက်ပေါက်စ နှစ်ကောင် နေရန် လုံလောက်သည်။ အဖြူရောင် ငှက်သိုက်တွင် အဖြူရောင် 

ငှက်မွေးနုများ ပါဝင်သည်။ အမဲရောင်ငှက်သိုက်တွင် အမဲရောင် ငှက်မွေးနုများ ပါဝင်သည်။ အရွယ်အစားအားဖြင့် 

အမဲရောင် ငှက်သိုက်သည် အဖြူရောင် ငှက်သိုက်ထက် (၂)ဆကြီး၏။ စီးပွားရေး ဈေးကွက်တွင် အဖြူရောင် 

ငှက်သိုက်ကို လူကြိုက်များ သောကြောင့် (၁၀)ဆမျှ ဈေးပိုကြီးသည်။

``ငှက်သိုက်များ ထုတ်လုပ်ပုံ´´

ငှက်သိုက်များကို ပင်လယ် သမုဒ္ဒရာတို့အလယ်မှ လူသူမနီးသော ကျွန်းများပေါ်တွင် အလွန်မြင့်မားသော 

ကျောက်ဆောင် လှိုဏ်ဂူစောင်းများ၏ အထက်မျက်နှာကျက်တွင် ငှက်သိုက် ဖွဲ့လေ့ရှိကြသည်။ ထို့ကြောင့် 

ငှက်သိုက် စုဆောင်းချိန်တွင် ငှက်သိုက်များ ရရှိနိုင်သည့် ကျောက်ဆောင် လှိုဏ်ခေါင်းအတွင်း ၀င်ရောက်၍ 

အတွင်းနံရံကို ခဲယဉ်းစွာ တက်ရောက် ဆွတ်ယူကြရ၏။ ထိုကဲ့သို့ ဆွတ်ယူနိုင်ရန် ကျောက်ဆောင်များကို ငြမ်းဆင်၍ 

သက်စွန့်ဆံဖျား တက်ရောက်ကာ ခဲယဉ်းစွာ လိုက်လံ စုဆောင်း ကြရသည်။

မြန်မာနိုင်ငံတွင် ငှက်သိုက်ရသော ကျွန်းများကို သစ်တော ဦးစီးဌာနမှ အုပ်ချုပ်၍ နှစ်စဉ် ငှက်သိုက် သိမ်းယူခွင့် 

လိုင်စင် ထုတ်ပေးပြီး ဥပဒေများကို လိုအပ်သလို ထုတ်ပြန်၍ ငှက်မျိုးစိတ်မပြုန်းစေရန် စောင့်ရှောက်ပေးထား၏။ 

၂၀၀၅ ခုနှစ်တွင် ငှက်သိုက် စုဆောင်းချိန် ကို မတ်လ ပထမပတ်မှ ဒုတိယပတ်၊ ဧပြီလ ပထမပတ်မှ ဒုတိယပတ်၊ 

ဇူလိုင်လ ပထမပတ်မှ ဒုတိယပတ်၊ နိုဝင်ဘာ (၂၁)မှ လကုန်အထိ (၄)ကြိမ် ခွဲ၍ စုဆောင်းရန် သတ်မှတ်ပေးထား 

သည်။ စုဆောင်းခွင့်ရရှိသော ငှက်သိုက်များကို သစ်တောဦးစီးဌာနမှ စစ်ဆေး၏။ သွေးပါသော ငှက်သိုက်များကို 

တွေ့ရှိပါက လိုင်စင်ရရှိထားသူကို ဒဏ်ရိုက်သည်။ လိုင်စင်ထုတ်ပေးရာတွင် ထိုကျွန်းများကို နှစ်စဉ် တစ်လှည့်စီ 

ပိတ်ပေးထားရ၏။ ပိတ်ထားသော ကျွန်းများပေါ်၌ ငှက်ကလေး များသည် အနှောင့်အယှက် မရှိဘဲ အသိုက် ပြုလုပ် 

ပေါက်ဖွား နိုင်ကြသည်။

``ငှက်သိုက် အသုံးဝင်ပုံ´´

မြန်မာနိုင်ငံတွင် ငှက်သိုက်ကို နာတာရှည် ရောဂါရှိသူများ၊ သက်ကြီးရွယ်အိုများ၊ အင်အားကုန်ခမ်းနေသူများကို 

ငှက်သိုက်ပေါင်း ကျွေးလေ့ရှိသည်။ ငှက်သိုက်သည် ပရိုတင်း ဓာတ်ကြွယ်ဝပြီး အာဟာရဓာတ် များစွာ ပါဝင်သည်။ 

သဘာဝ ငှက်သိုက်ကို ခေတ်မီနည်းဖြင့် သန့်စင်ထားသော ငှက်သိုက်ရည်ကို ဆေးဖက်ဝင် အခြား ပစ္စည်းများနှင့် 

ပေါင်းစပ်ဖော်ထား သဖြင့် အဆုတ်ကို အားကောင်း စေပြီး ချောင်းဆိုး၊ အအေးမိနှင့် တုပ်ကွေး ရောဂါများကို 

သက်သာ ပျောက်ကင်းစေနိုင်ကြောင်း သိရပါသည်။ ဆေးဖက်ဝင် ပစ္စည်း တစ်မျိုး ဖြစ်သောကြောင့် အလွန် 

အဖိုးအနဂ္ဃ ထိုက်သဖြင့် ရွှေနှင့် စက်၍ပင် ၀ယ်ယူကြသည်။ ငှက်သိုက် များကို ပြည်တွင်းတွင် အသုံးပြုရုံသာမက ပြ

ည်ပသို့ပါ တင်ပို့ရောင်းချသည်။

နိုင်ငံခြားဝင်ငွေရရှိသော ငှက်သိုက်သည် တနင်္သာရီတိုင်းမှ ရရှိသောကြောင့် တနင်္သာရီတိုင်းသည် 

ြ

ပည်ထောင်စုမြန်မာနိုင်ငံတော်ကြီး၏ စီးပွားရေး ဖွံ့ဖြိုးတိုးတက်မှုတွင် တစ်ဖက်တစ်လမ်းမှ ပါဝင် နေကြောင်း 

တင်ပြအပ်ပါသည်။

=====================

``နို့စို့ကလေးငယ်များအတွက်´´

-ပါဝင်သော Sialic acid ကြောင့် အာရုံကြောနှင့် ဦးနှောက်ကိုကောင်းစေသည်။

``ကလေးများအတွက်´´

-immune system ကိုယ်ခံအားစနစ်ကို ကောင်းစေခြင်းဖြင့် ခန္ဓာကိုယ်ကို ကျန်းမာ သန်စွမ်း စေသည်။ 

အအေးမိခြင်းနှင့်

တုပ်ကွေးဖြစ်နိုင်ချေမှ ကာကွယ် ပေးသည်။

``အမျိုးသမီးများအတွက်´´

-အရေပြားကို ကောင်းမွန် စေသည်။ ငယ်ရွယ် နုပျိုစေသည်။ အသားအရေကို ကြည်လင် ၀င်းပစေပြီး အိုမင်းခြင်းကို 

နှောင့်နှေး စေသည်။

`` အမျိုးသားများအတွက်´´

-မောပန်းခြင်းကို သက်သာစေသည်။ ဖိအားကို လျော့စေသည်။ ခန္ဓာကိုယ်ကို ခွန်အား ပြန်လည်ပြည့် ဖြိုးစေသည်။

``ကိုယ်ဝန်ဆောင်မိခင်များအတွက်´´

-အမေနှင့် ကလေး၏ immune function ကိုယ်ခံအားကို တက်စေသောကြောင့် မွေးပြီး မြန်မြန် နာလန်ထစေသည်။

``သက်ကြီးရွယ်အိုများအတွက်´´

-ချွဲသလိပ်ကို ပျော်စေသည်။ အဆုတ်၊ ကျောက်ကပ်၊ သရက်ရွက်နှင့် ခံတွင်းကို ကောင်းစေသည်။

``လူနာများအတွက်´´

-ခွဲစိတ်ပြီး လူနာများ မြန်မြန် နာလန် ထစေသည်။ ခွဲစိတ်ပြီးနောက် ဆဲလ်များ ပျက်စီးမှုကို ပြန်လည် 

ကောင်းမွန်စေသည်။

``ဆေးလိပ်သောက်သူများအတွက်´´

-တုပ်ကွေး၊ ချောင်းဆိုးခြင်း၊ ရင်ကျပ်ရောဂါနှင့် အခြားအဆုတ်နှင့် ဆက်စပ်နေသော ရောဂါများကို ကာကွယ် 

ပေးသည်။

`` ၀ သူများအတွက် ´´

- အဆီ၏ ဇီဝရုပ် ဖြစ်ပျက်မှု ဖြစ်စဉ်ကို မြန်စေသဖြင့် အဆီကို ကျစေသည်။

====================

ယခုအခါ၊ ငှက်သိုက် (ငှက် အန်ဖတ်) အချိန်တစ်ကျပ်သားမှာ သောင်းနှင့် ချီလျက် ဈေးကောင်း လျက်ရှိ၏။ 

ကျန်းမာရေး အတွက် အာဟာရနှင့် ပြည့်ဝလှသည့် ဓာတ် စာအစား အစာဖြစ်၍ ကမ္ဘာအရပ် ရပ်မှ သက်ကြီး ပိုင်းသို့ 

ရောက်ရှိ သော အသက် (၆၀)ကျော်၊ (၇၀)ကျော် တို့သည်လည်းကောင်း သတ်လတ်ပိုင်း၊ အသက်(၅၀)နှင့် (၅၀)

နှစ်ကျော် တို့သည် လည်း ကောင်း၊ ငှက်သိုက် (ခေါ်) ငှက်အန်ဖတ်ကို အားတိုးဆေးအဖြစ်ြဖင့် မှီဝဲ 

သောက်သုံးနေကြ၏။ ယင်းသို့ ဖြစ်လေရာ ငှက်သိုက် အများဆုံး မွေးမြူထုတ်လုပ်သည့် မလေးရှား နိုင်ငံတွင်ရှိ 

ငှက်သိုက် (ငှက်အန် ဖတ်)ဈေးကွက်သည် ဈေးကောင်း လျက်၊ ခြေးလှမ်းသွက်လျက်ရှိသည် ကို တွေ့ရသည်။

သို့ရာတွင် ယနေ့ မျက်မှောက်ကာလဝယ်၊ ဆွမ်းဆန် ထဲ ကြွက်ချေးရောဆိုသလို အမြတ် ကြီးစား 

မသမာသူကုန်သည် တစ်စု တို့က ငှက်သိုက် (ငှက်အန်ဖတ်) များကို ထုတ်လုပ်ပေးသော ဇီဝဇိုး ငှက်များ၏ မစင် (

ချေး) များကို ဓာတုဗေဒ ဆေးဝါးပစ္စည်းများနှင့် ရောနှောပြီး ငှက်သိုက် (ငှက်အန် ဖတ်) များအစစ်နှင့် အလွန်တူလှ 

သည့် ဆင်တူယိုးမှား ငှက်သိုက် အတု၊ ငှက်အန်ဖတ်အတု ထုတ် လုပ်ပြီး ကမ္ဘာအရပ်ရပ်သို့ တင်ပို့ 

ရောင်းချဖြနြ့်ဖူးလျက် ရှိ ရာ အသက် နှင့် ကျန်းမာရေးအတွက် လွန်စွာ အန္တရာယ်ရှိနေသည်ဖြစ်၍ ယခု အခါ 

မလေးရှားအစိုးရသည် ကမ္ဘာ့ ကျန်းမာရေးအဖွဲ့ (WHO) နှင့် အတူပူးပေါင်းပြီး အရေးယူ 

ဆောင်ရွက်လျက်ရှိသည်ဟု သတင်းရရှိပါသည်။

======================

ရည်ညွှန်း-
(၁) ကံ့ကော်ဘလော့၊
(၂) စိတ်ကူးပျော်ရာ ဘလော့မှ မစ္စတာလောင်လင်း (အကျိုးဆောင်ဂျာနယ်)၏
သတင်းဆာင်းပါး။
(၃) မြိတ်ပုလဲမြေဘလော့မှ
- မြိတ်တက္ကသိုလ် ၂၀၀၄-၂၀၀၅ နှစ်လည်မဂ္ဂဇင်းပါ သတ္တဗေဒဌာန(ဌာနမှူး)
ပါမောက္ခ ဒေါ်မြင့်မြင့်သန်း၏ `` ငှက်သိုက်´´ ဆောင်းပါး
- ဦးသန်းမြင့် (၂၀၀၁) ၊`` မြန်မာပြည်တောင်ဘက် ပင်လယ်တွင်းက´´
စာအုပ် တို့အား ကူးယူ၍ ပူးပေါင်း ဖော်ပြပါသည်။

(ကွန်ဆူးမား)(၂၂-၁၀-၂၀၁၃)
ဓါတ်ပုံ- စိတ်ကူးပျော်ရာ ဘလော
့