ကျောင်းတက်ခေါင်းလောင်းသံကို ကြားရသည်နှင့် ကျွန်တော်တို့ငါးယောက်လက်ထဲတွင် ရှိနေသော ဒူးယားစီးကရက်ကို တစ်ယောက် တစ်လှည့်စီ အမြန်ဖွာကာ လွှင့်ပစ်ရင်း ကျောင်းထဲ သို့ ၀င်ကြရသည်။ ကျွန်တော်တို့ ကျောင်းရှေ့တွင် စီးကရက် ခိုးသောက်နေကြခြင်းဖြစ်သည်။ယခုခေတ်အတွက်တော့ ထိုစကားမှာ အနည်းငယ် နားရှုပ်သွားစရာအကြောင်းရှိပါသည်။ ကျွန်တော်တို့ (၁၀)တန်း တစ်နှစ်ကျသည့် ၁၉၈၃ ခုနှစ်က ကျွန်တော်တို့မှာ ကျောင်းသားများ လို စီးကရက်ကို ကျောင်းစာသင်ခန်းအပြင် ဆရာများ၊ ဆရာမများရှေ့တွင် စတိုင်(လ်)ကျကျ ခပ်တည်တည် မသောက်ရဲပါ။ ကျောင်းသို့တဖွဲဖွဲ လာနေကြသော ကောင်မလေးများရှေ့တွင် လည်း စီးကရက်ကို စတိုင်(လ်)ပါပါဖြင့် သောက်ပြကာ သူတို့ကို အိုက်တင်ခံချင်ကြ၏။

ထို့ကြောင့် ဒူးယားစီးကရက်ဝယ်ကာ တစ် ယောက်တစ်လှည့် ခိုးဖွာရင်း ကောင်မလေးတွေကို အိုက်တင်ပြ၊ ဟေ့ ...ဆရာလာပြီဆိုလျှင် စီးကရက်ကို ဖွက်ရသည်။ မည်သည့်အတန်းကို သင်သည့် ဆရာ/ဆရာမဖြစ်စေ ကျွန်တော်တို့ စီးကရက်သောက်နေတာကို မြင်သွားလျှင် အပြစ် ပေး၍ရသည်။ ဆုံးမ၍ရသည်။ ဒါတောင် တစ်ခါ တုန်းက စောနိုင်ဆိုသည့်ကောင် စီးကရက်ဖွာ အပြီး ဘွားခနဲပေါ်လာသော ဆရာမကို သွားပြုံး ပြမိသဖြင့် ဆရာမ သိသွားကာ ကျွန်တော်တို့ ဗိုက်ကြောအလိမ်ခံရ၊ စီးကရက်လွှင့်ပစ်ခံလိုက်ရ ဖူးသည်။

ကျွန်တော်တို့ ငါးယောက် ဆိုသည်မှာ ကျွန်တော်၊ မောင်နီ၊ ရဲမြင့်တိုး၊ အောင်စိုးနိုင်နှင့် စောနိုင်တို့ဖြစ်သည်။ အတန်းထဲရောက်ပြီး မင်္ဂလာ ပါဆရာမ ...ဟူသည့် အသံအဆုံး ကျောင်းသား တွေ အားလုံးထိုင်ကြတော့ ခင်မျိုးထွေးက မထိုင် လက်ပိုက်ကာ ရပ်နေ၏။

““ခင်မျိုးထွေး ဘာဖြစ်လို့ မထိုင်တာလဲ””

““သမီး ...ဆရာမကို တိုင်စရာရှိလို့ပါ ဆရာမ””

ခင်မျိုးထွေး၏ စကားကြောင့် အတန်းသည် ရုတ်တရက် ငြိမ်ကာသွားသည်။ ကျွန်တော်တို့ လည်း စိတ်ညစ်ကာ ထိတ်လန့်သွားကြ၏။ ကျောင်းတက်ခါစ အတန်းပိုင်ဆရာမ ဒေါပွလျှင် တစ်နေ့လုံး ကျွန်တော်တို့ အတန်းသွားပြီ။ ဆရာမ ကလည်း စာကိုရယ်ရယ်မောမော မသင်တော့ဘဲ ပြဿနာကို အကြောင်းပြုကာ တစ်တန်းလုံးကို ဆူတော့မည်။ ကျန်သည့် ဆရာများကလည်း ပြဿနာတက်ပြီးသား အတန်းဆိုလျှင် ခပ် တည်တည်၊ ခပ်ထန်ထန် ဆက်ဆံတတ်သဖြင့် ကျွန်တော်တို့မှာ နောက်ထပ်အပြစ်တစ်ခု မရ,ရ အောင် မလှုပ်ရဲ၊ မရှားရဲ၊ မပျော်ရဲ၊ မပါးရဲ၊ မအော် ရဲ၊ မဟစ်ရဲဖြင့် တော်တော်စိတ်ညစ်ရတတ်၏။ ထို့ကြောင့် ကျွန်တော်တို့အားလုံး ငြိမ်ကျသွားခြင်း ဖြစ်ပါသည်။

““အတန်းတောင်မှ မစ,ရသေးပါလား။ ကဲ...ခင်မျိုးထွေး သမီး ဘာလဲပြော ...””

““သမီးကို အောင်အောင် စာပေးလို့ပါ ဆရာမ””

သွားပြီ။ ကျွန်တော်တို့ တစ်တန်းလုံး ချောက် ချားကာ အောင်အောင်ကို လှည့်ကြည့်တော့ အောင်အောင်လည်း အတော်တုန်လှုပ်ကာ နေ၏။ ခင်မျိုးထွေးက ဆရာမကို သူ့လွယ်အိတ်ထဲမှ စာကို ထုတ်ကာပြသည်။ ဆရာမက ကျောင်း မတက်မီ မုန့်သွားစားခိုက် ခင်မျိုးထွေး လွယ်အိတ် ထဲကို အောင်အောင် စာဝင်ထည့်တာကိုမြင်သည့် ကျောင်းသူများကို ဒေါသဖြင့် စစ်ဆေးသည်။

အောင်အောင့်အပြစ်သည် ကျောင်းသားချင်း ရန်ဖြစ်သည့် အမှုကလွဲလျှင် ဒုတိယ အကြီးဆုံး သော အမှုသာလျှင် ဖြစ်သည်။ ကျွန်တော်တို့ တုန်းက ကျောင်းသားကျောင်းသူချင်း ချစ်ရေး ချစ်ရာကိစ္စကို တင်းကြပ်ပြတ်သားစွာတားမြစ်သည်။

““အေး ... မင်းတို့ အခုအချိန်မှာ စာပဲကြိုးစားကြ၊ အချင်းချင်းကို မောင်နှမ

လို အတန်းဖော်လိုပဲ သဘောထားရမယ်၊ (၁၀) တန်းအောင်လို့ တက္ကသိုလ်ရောက်ရင် မင်းတို့ လူကြီးဖြစ်ပြီ၊ မင်းတို့ကိုယ် မင်းတို့ ထိန်းတတ် သွားပြီ၊ အဲဒီကျတော့ မင်းတို့ စဉ်းစားတတ်သွားတဲ့ လွတ်လပ်မှုတွေကိုရမယ်၊ တက္ကသိုလ်ရောက်ရင် မင်းတို့ ချစ်ချင်သလို ချစ်ကြ””

ထိုစကားကို ကျွန်တော့် အသက်အရွယ် ရှိနေသူတိုင်း ဆရာများထံမှ ကြားဖူးခဲ့လိမ့်မည် ထင်သည်။ ကျွန်တော်တို့တုန်းက (၁၀)တန်း အောင်ချင်သော စိတ်သည် ငါလူကြီးဖြစ်ပြီ ...ဟု အသိအမှတ် ပြုခံရချင်စိတ်နှင့် တက္ကသိုလ်ရောက် လျှင် ချစ်ချင်တာချစ်၊ စိုးရိမ်ကြောင့်ကြ ကြောက်ရွံ့ စရာ မလိုတော့ဟူသော စိတ်နှစ်ခုမှာ အကြီးမား ဆုံးဖြစ်သည်။ အတော်ရည်မှန်းချက် ကြီးမားပါ ပေသည်ဟုပြောလျှင် ပြော၍ရပါသည်။

လူငယ်တစ်ယောက် ဘ၀တွင် မိမိကို လူ့ ပတ်ဝန်းကျင်က အသိအမှတ်ပြု ခံချင်စိတ်နှင့် ခံစားမှုရေးရာ လွတ်လပ်လိုစိတ်သည် အတော် ကြီးမားသော အရေးကြီးသော အချက်တစ်ခုသာ ဖြစ်သည် မဟုတ်လား။ မည်မျှပညာရေးကိုသာ အလေးထားသူဟုဆိုဆို ထိုအချက်နှစ်ချက် ကတော့ ပြောစရာမလိုဘဲ ပါနေလိမ့်မည် ဖြစ် သည်။

သက်သေတွေစုံတော့ ဆရာမ ဒေါသ တော် တော် ထွက်နေပြီဖြစ်သည်။ ကျွန်တော်တို့ ဆရာမက ဒေါ်ကြည်ကြည် ဖြစ်သည်။ အသား ဖြူဖြူ ရုပ်ရည်သန့်ပြန့်ကာ တစ်ကျောင်းလုံးမှာ အချောဆုံး ဆရာမတစ်ဦးဖြစ်သည်။ ထိုအလှပြီး လျှင် ...ဒုတိယနာမည်ကျော်သည့် ကိစ္စက အိမ်သာထွက်လျှင် ကိုင်ရသည့် သစ်သားပြားဖြင့် လက်ဆစ်ကို ခေါက်တတ်ခြင်းပင် ဖြစ်သည်။ ဆရာမက သူဒေါသထွက်လွန်းမက ထွက်မှ ကြိမ်လုံးကို သုံးတတ်၏။

အခုတော့ ဆရာမက ကြိမ်လုံးကိုဆွဲယူကာ တစ်တန်းလုံးကို ဆူသည်။ တစ်ယောက်မှ တုတ် တုတ် မလှုပ်ရဲကြ။ ကျွန်တော်တို့ တစ်နှစ်ကျ ကျောင်းသားတွေကိုပင် ဟိုကောင်တွေလည်း ကြပ်ကြပ် သတိထား ...ဟု ကြိမ်းလိုက်သေး သည်။ တုံးလိုက်သည့် ငနဲ၊ အောင်အောင်က လည်း ရည်းစားစာကို အိမ်ငှားစာချုပ် မှတ်နေ သလားမသိ။ နာမည်ရေးကာ လက်မှတ်များပင် ထိုးပေးလိုက်သေးသည်။ ထို့ကြောင့် လိမ်ခွင့်၊ ငြင်းခွင့်၊ ရှောင်ခွင့်မရှိတော့။

““ကဲ ...မင်းမှာအပြစ်ရှိသလား အောင် အောင်””

““ဟုတ် ...ဟုတ်ကဲ့ ...ဆရာမ””

““အေး ...ဒါဆိုရင် ...မင်း ဆရာမ ဆုံးမ တာ ခံမလား၊ ရုံးခန်းသွားမလား””

““ဆရာမ ဆုံးမတာပဲ ခံပါ့မယ် ဆရာမ””

““အေး ...ဒါဆိုရင် ရှေ့ထွက်ခဲ့””

မည်သည့်ကျောင်းသားမှ ရုံးခန်းတော့မသွား။ ကျောင်းအုပ်ဆရာမကြီး ဒေါ်သန်းရီက အပျိုကြီး ဖြစ်ပြီး၊ သမီးရည်းစားကိစ္စ၊ ရန်ဖြစ်သည့် ကိစ္စများ တွင် အရိုက်အလွန် လက်သံပြောင်သည်။ ကိုယ့် အတန်းပိုင်ဆရာမကမှ ညှာလျှင် ညှာဦးမည်။ ထို့ကြောင့် အောင်အောင် လက်ပိုက်ကာ စတိတ် ခုံပေါ်သို့ တက်သွားသည်။ ဆရာမက ကြိမ်လုံး လေးပင်ပူးကို ညွှတ်ကာ-ညွှတ်ကာ စောင့်နေ၏။ ဆောင်းဦးပေါက်စ မနက်စောစော အေးအေး စက်စက်ကြီးမှာ အဆော်ခံရမည့် အောင်အောင်၏ တင်ပါးကို အားလုံး ကိုယ်ချင်းစာကြပါသည်။

ကျွန်တော်တို့လို အချစ်ကို ခံစားတတ် သူများကတော့ အောင်အောင့် နှလုံးသားကိုပို၍ ကိုယ်ချင်းစာသည်။

(နှစ်)

““သူ့ဘာသာ လူရည်ချွန်ပဲ ရဖူးဖူး၊ အဆင့် (၁)ပဲရရ၊ ချမ်းပဲ ချမ်းသာသာကွာ ...ဒီကောင်မ ကိုက လွန်ပါတယ်။ ပြန်မကြိုက်လည်း ပြီးတာပဲ၊ ဆရာမတွေကို တမင်ဖားတာ””

““သူ့ကိုယ်သူ ဒါမျိုးတွေ ကင်းရှင်းကြောင်း၊ စာပဲစိတ်ဝင်စားကြောင်း ပြတာပါကွာ””

““ဆရာမကလည်း လွန်ပါတယ်ကွာ ... ရှစ်ချက်လား၊ကိုးချက်လားတီးတာ၊ အောင်အောင် က အေးတာပဲ၊ စာလည်း အဆိုးကြီးမှ မဟုတ်၊ တင်ဦးတို့လို ကောင်မျိုးဆိုထားတော့””

““ဆရာမက ငါးချက်လောက်ပဲ တီးတာကွ၊ ဟိုကောင်က လက်ပိုက်ပြီး ဆက်ရပ်နေတော့ နောက်အချက်တွေ ဒေါကန်ပြီးဆော်တာ””

ကျွန်တော်တို့အုပ်စု ကျောင်းဆင်းတော့မှ ကျောင်းရှေ့ စိန်ပန်းကာကာဆိုင်မှာ လက်ဖက် ရည် နှစ်ခွက်ဖြင့် မနက်က ကိစ်္စကို ဝေဖန်ဖြစ်ကြ သည်။ ခင်မျိုးထွေးကို မည်သူမှ မကျေနပ်ကြ။ ခင်မျိုးထွေးက စာတော်သည်။ အဆင့် (၁) အမြဲ ဆိုသလိုရသဖြင့် ဆရာ-ဆရာမများကလည်း မျက်နှာသာပေးကြသည်။ (၈)တန်းနှစ်က လူရည် ချွန်ဝင်ဖြေကာ ရသွားဖူးသည်။ ကျွန်တော်တို့ သင်္ဃန်းကျွန်း အ.ထ.က (၃)၏ တစ်ဦးတည်း သော လူရည်ချွန်လည်း ဖြစ်သည်။ ရုပ်ရည် ကတော့ ကြည့်ကောင်းရုံ၊ မျက်ဝန်း လှလှ၊ နှုတ်ခမ်းပါးပါး၊ ကိုယ်လုံးကိုယ်ပေါက် လှသည်။

ခင်မျိုးထွေးက အဆင့် (၁)ရသူပီပီ အတန်း ထဲမှာ အခြားကျောင်းသူတွေနှင့် သိပ်မရော၊ ယောက်က်ျားလေး အပေါင်းအသင်း လုံးဝမရှိ။ အားလျှင် စာအုပ်နှင့် မျက်နှာအပ်၊ စာမေးလျှင် သူ အရင်ဆုံး ထ,ထဖြစ်တတ်သော ကျောင်းသူ ဖြစ်သဖြင့် ကျွန်တော်တို့ တော်တော်များများက ခင်မျိုးထွေးကို ကြည့်မရကြ။ ကျွန်တော်တို့က တော့ အဆင့် (၁)မပြောနဲ့၊ အဆင့် (၁၅)နားပင် ကပ်ဖူးသည့် ကောင်တွေမဟုတ်။ အမြဲတမ်း တစ် ဘာသာလောက်တော့ မှန်မှန်ကျတတ်၏။

သို့သော် ကျွန်တော်တို့က ရန်ဖြစ်၊ ပြဿနာ ရှာ၊ စာလုံးဝမရ၊ ဆရာမနှင့် ပြဿနာတက်၊ အဲဒီလို ကျောင်းသားမျိုးလည်း မဟုတ်။ စီးကရက် ခိုးသောက်ရုံ၊ တစ်ခါတစ်ရံ ကျောင်းပြေးရုံ၊ အဖြူ အစိမ်း မှန်မှန် မ၀တ်တတ်သူ၊ မိန်းကလေးများနှင့် စ,ရင်း၊ နောက်ရင်း ပြဿနာတက်တတ်သူ၊ သာမန်အလယ်အလတ် ကျောင်းသားများသာ ဖြစ်သည်။

ဆရာမများက ကျွန်တော်တို့ကို အရမ်းမချစ်။ သို့သော် ...အရမ်းလည်း မမုန်း၊ ခင်ခင်မင်မင် တော့ ရှိကြသည်။ ငါးချက်အဆော်ခံရတော့မည့် အချိန်တွင် တစ်ချက်လောက် လျော့ပေးခံရတတ် သူများသာ ဖြစ်သည်။

““ငါတော့ ခင်မျိုးထွေးကို လုံးဝ မကျေနပ် ဘူးကွာ””

စောနိုင်က ဒေါသတကြီး အော်သည်။ မောင်နီက ခေါင်းကုတ်ရင်း ပြန်ပြော၏။

““အဲဒါဆို မင်းစာလိုက်ပေးပါလား””

ဒီတော့ ...စောနိုင် ငြိမ်ကာသွား၏။ ရဲမြင့် တိုးက စီးကရက်ကိုဖွာရင်း စောနိုင်ကို မကျေမနပ် ကြည့်ရင်း ...

““မကျေနပ်ရင် ...ဘာမှ မပတ်သက်နဲ့ပေါ့ ကွာ၊ ငါကတော့ လုံးဝဂရုမစိုက်ဘူး အနေသာကြီး ပဲ””

““မနက်ဖြန် စနေနေ့ ကျူရှင်သွားရင် ငါ လိုက်မယ်ကွာ ...စာလိုက်ပေးမယ်၊ ဒါဆို ကျောင်းနဲ့ မဆိုင်ဘူး ...ကဲ””

စောနိုင်က မကျေနပ်နိုင်သေးဘဲ ဒေါသဖြင့် ဆက်ပြောပြန်၏။ အောင်နိုင်စိုးက ပြန်ပြောသည်။

““ကျူရှင်ဆရာကို တိုင်မှာပေါ့ကွ၊ ဦးစော ထွန်း ကြိမ်လုံးနဲ့ မင်းညားမှာပဲ””

စောနိုင် ပြန်ငြိမ်သွားပြန်၏။ ကျွန်တော်တို့မှာ ကျောင်းက ဆရာများပင်မက။ ကျူရှင်ဆရာများ ကိုလည်း ကြောက်ကြရသေးသည်။ ကျွန်တော် တို့ တက်သည့် BOC မှာ မြသန္တာကျူရှင်က ဆရာဦးစောထွန်း၏ ကြိမ်လုံးကလည်း နာမည် ရပါသည်။

ကျွန်တော်ရော ထိုကိစ္စကို ကျေနပ်သလား စဉ်းစား၏။

အဖြေက မကျေနပ်။ မကျေနပ်လျှင် ကျွန်တော် ဘာလုပ်ရမလဲ၊ ခင်မျိုးထွေးကို ပြဿနာရှာ၊ စ,နောက် ရည်းစားစာပေး ဘာပဲ ဖြစ်ဖြစ်၊ ဆရာမ ဒေါ်ကြည်ကြည်၏ ကြိမ်လုံးနှင့် ညားဖို့သာ ရှိသည်။ သို့သော် ခင်မျိုးထွေးကို တစ်ခုခုလည်း လုပ်ချင်နေသည်။

““ငါလည်း မကျေနပ်ဘူး လေအိုး ...သူ့ကို တစ်ခုခုတော့ ပညာပေးချင်တယ်””

လေးအိုးဆိုတာက အောင်နိုင်စိုး၏ နာမည် ပြောင်ဖြစ်သည်။ ကျွန်တော်က မှင်စာ၊ စောနိုင်က သခေါဖြစ်၏။

““မှင်စာရာ မင်းကသူ့ကို ပညာပေး၊ မင်းကို ဒေါ်ကြည်ကြည်က ကြိမ်လုံးပေး ဟဲ ...ဟဲ... ဘာလဲ မင်းက တင်ပါးနှစ်ခု အရင်းပြုမလို့လား””

ကျွန်တော်က သူငယ်ချင်း (၅)ယောက်ထဲ မှာ အသေးကွေးဆုံး၊ အရပ်အပုဆုံး ဖြစ်သဖြင့် လေအိုးက

““ကျွတ် ..ကျွတ်-ကျွတ် သနားပါတယ်”” ဆိုသော တုန့်ပြန်သံကို ကျွန်တော် မကျေမနပ် ဖြစ်သွား၏။

““ငါဆိုလိုတာက ငါကလည်း စာပေးမယ်၊ အဲဒီစာကို သူကလည်း ကျေနပ်ရမယ်၊ ဆရာမကို လည်း တိုင်လို့မရတဲ့နည်း ဖြစ်ရမယ်။ အဲဒီလို ပြောတာ””

ကျွန်တော့်စကားဆုံးတော့ သူငယ်ချင်း လေးယောက်စလုံးက ခေါင်းခါကြသည်။ မိန်းကလေး တစ်ယောက်ကို ကျေနပ်အောင် ဘယ်လိုလုပ် စာပေးမည်နည်း၊ မဖြစ်နိုင် ...။

““မှင်စာရာ အချဉ်မပါဘဲ ဆမူဆာသာ စား လို့ ရမယ်၊ အသင်ပြောတာတော့ မဖြစ်နိုင် ... လုံးဝမဖြစ်နိုင် ဒါပဲ””

သူတို့မေ့သွားတာ တစ်ခုတော့ ရှိပါသည်။ ကျွန်တော်သည် အကောင်သေးသဖြင့် မိမိ အသက်ရှင်သန်ရပ်တည်ရေးအတွက် ဦးနှောက်ကို စနစ်တကျ အသုံးပြုတတ်သည်ဆိုတာပဲ ဖြစ် သည်။

ကျွန်တော် စနေ၊ တနင်္ဂနွေ နှစ်ရက်စလုံး အပြင်းအထန် စဉ်းစားသည်။

ကျွန်တော်လုပ်ချင်သည့် ကိစ္စက သမား ရိုးကျ မဟုတ်။ ကျောင်းသားတိုင်း လုပ်ကြသည့် ကိစ္စမဟုတ်။ သူတို့လိုလုပ်လျှင် သူတို့လိုဖြစ်မည် မှာ ကျိန်းသေသည်။ ဖန်တီးမှုတစ်ခုခုတော့ ပါရ မည်။ သာမန်နည်းလမ်းဟောင်းများမှလည်း ခွဲ ထွက်နိုင်ရမည်။ ဘာလုပ်ရမလဲ။

စနေနေ့ တစ်နေ့လုံး အဖြေမပေါ်။ တနင်္ဂနွေ နေ့ကျတော့ ကျွန်တော် ဟိုဟိုဒီဒီ အတွေးတွေကို ရပ်ကာ အခြေခံကျကျ စဉ်းစားရသည်။ ဖန်တီးသူ တစ်ယောက်သည် ပြဿနာကို အရိုးရှင်းဆုံး သိရှိ နားလည်ထားရန် လိုအပ်သည် မဟုတ်လား။

မိန်းကလေး တစ်ယောက်ကို စာပေးသည် ဆိုခြင်းမှာ ထိုမိန်းကလေးကို ချစ်သည်ဟု အသိ ပေးခြင်းပင် ဖြစ်သည်။ ကျွန်တော်တို့ ကျောင်း သားတွေ အဆော်ခံကြရတာလည်း ထိုချစ်သည် ဆိုသော စကားကြောင့်သာ ဖြစ်၏။ ချစ်သည် ဆိုသည့် စကားမပါဘဲနှင့် ရည်းစားစာ ပေးလို့ မရဘူးလား။ ဒါတော့ မဖြစ်နိုင်။

ထိုနေရာမှာ ကျွန်တော့် အတွေးက တစ်၍ နေ၏။ ဆက်စဉ်းစား၍မရ။ ဒါဆိုလျှင် ပြဿနာ သည် ချစ်သည်ဆိုတာပဲ ဖြစ်မည်။ ထို့ကြောင့် ကျွန်တော်ချစ်သည်ကို ဆက်၍ စဉ်းစားရ၏။

ကဲ ...ချစ်သည်ဆိုတာ ဘာလဲ၊။

ချစ်သည်ဆိုတာက အထူးခြားဆုံး ရွေးချယ်မှု အမြင့်မားဆုံး အာရုံစိုက်မှု၊ အထူးခြားဆုံး ခံစားမှု၊ ဟောဒီတစ်ကျောင်းလုံးမှာရှိတဲ့ မိန်းကလေးတွေ ထဲက ခင်မျိုးထွေးသည် ကျွန်တော်တို့၏ တစ်ဦး တည်း ရွေးချယ်ထားသော အာရုံစိုက်မိသည့် ခံစားမှုတစ်ခု။ အဲဒါကို ပြနိုင် ...ပြောနိုင်လျှင် ထိုအရာသည် ရည်းစားစာပင် ဖြစ်၏။

ဒါဆို ကျွန်တော်တို့ ဘာလုပ်ကြမလဲ၊။

သူ့ကို စိုက်ကြည့်ရမလား၊ ဝေးသေး ...။ ခင်မျိုးထွေးက လှည့်ကြည့်မည်မဟုတ်။ သူလုပ် သမျှတွေဂရုစိုက်ရမလား။ သူ့နောက်တစ်ကောက် ကောက် လျှောက်လိုက်ရမလား။ ဒါတွေလည်း မဖြစ်သေး။ သို့သော် ထိုအချက်တွေပါအောင် တော့လုပ်ရမည်။ နောက်တစ်ချက်က မိန်းကလေး တွေ သဘာဝကိုလည်း ပြန်တွက်ရ၏။ ခင်မျိုးထွေး သည် ဆရာဝန်ဖြစ်မှ အိမ်ထောင်ရေးကို စဉ်းစား မည်ဟု ကြွေးကြော်ထား၏။ သို့သော် သူလည်း သာမန် ခံစားတတ်သော မိန်းကလေးသာ ဖြစ်သည်။ ချစ်သည့်စိတ်ကို စာတော်တာ၊ ဆရာမတွေကချစ်တာ စသည်ဖြင့် အချက် များနှင့် ဖိထားခြင်းသာဖြစ်သည်။ ဘယ် မိန်းကလေးမဆို သူတို့ကို ဂရုစိုက်တာ၊ ခံစားတာတွေကို အမြဲလိုလားကြသည်သာ ဖြစ်သည်။ သူများနှင့် မတူအောင် ဂရုစိုက် နိုင်လျှင် စိတ်ကို ၀င်စားရမည်။

ပြီးတော့ ...မိန်းကလေးတို့ မည်သည် ဇာတ်လမ်းကို သိပ်စိတ်ဝင်စားကြ သည်။ သူက ငါ့ကို ဘယ်လိုလိုက် တာ၊ ဘယ်လိုသူနဲ့ ငါက စ,တွေ့တာ ဟဲ့၊ ငါ့ကြောင့် သူဘာတွေဖြစ်သွား တာတဲ့ ဆိုတာတွေကို သိပ်ပြောချင်ကြသည်။ သူတို့ပြောသည့် အကြောင်းအရာက ထူးခြားလေ လေ သူတို့ ဂုဏ်တက်လေလေသာ ဖြစ်သည်။ ထင်မထားသော ဇာတ်မျိုးနှင့်တွေ့လျှင် လူကိုထက် ထိုဇာတ်ကွက်ကိုပြောဖို့ ပိုစိတ်ဝင်စားကာ ကြိုက် တတ်ကြ၏။

ထို့ကြောင့် ခင်မျိုးထွေးအတွက် ထင်မထား သော ဖန်တီးမှုတစ်ခုကိုလည်း ရမှဖြစ်မည်။ ပြန် ချစ်စေချင်တာထက် ထိုစိတ်ဝင်စားမှုကို ရမှ ဆရာမထံ စာမရောက်မှာဖြစ်သည်။ ကျွန်တော် တစ်နေ့လုံး စဉ်းစားကာ ညနေရီလောက်တွင်မှ အကောင်းဆုံးသော ဖန်တီးမှုတစ်ခုကို ရသည်။

ကျွန်တော် ထခုန်မိမတတ် ၀မ်းသာသွား၏။

ကျွန်တော့်အကြံကို အပြန်ပြန် အလှန်လှန် သုံးသပ်သည်။ ဟာကွက်မရှိ။ သို့သော် အနည်း အကျဉ်းတော့ စွန့်စားရမည်။ မည်သည့်ဖန်တီးမှု ရော မစွန့်စားဘဲ အောင်မြင်ခဲ့ဖူးပါသနည်း။

(သုံး)

တနင်္လာနေ့ ကျောင်းရောက်တော့ ကျွန်တော့် အကြံကို ဖန်တီးမှုကို သူတို့ကို ပြောပြရသည်။ အားလုံးက ခေါင်းခါကြ၏။ မဖြစ်နိုင်ဟု ပြောကြ သည်။ သို့သော် ထုံးစံအတိုင်း မဟုတ်သဖြင့်၊ သူတို့ ဇဝေဇ၀ါဖြစ်ကာ စိတ်လည်း ၀င်စားကြ၏။

““မဆိုးတော့ မဆိုးဘူးကွ၊ ဒါပေမယ့် ဆရာမ ဆီပဲရောက်မှာပါကွာ””

လေအိုးက ညည်းသည်။

““မဖြစ်နိုင်ပါဘူးကွာ၊ အောင်အောင် တစ် စောင်တည်းပေးတာတောင် ရှစ်ချက်ဆိုတော့ မင်း ဟာက (၂)လစာလောက်ကွ မှင်စာရ၊ တစ်ရက် တစ်ချက်ဆိုရင်တောင်””

သခေါကလည်း စိုးရိမ်ကာ ပြောသည်။ ရဲမြင့်တိုးက ဘာမှမကြာ၊ မောင်နီကတော့ ...

““မလွယ်ဘူးနော် ...သူက နာမည်လိုချင် နေတာ၊ မိန်းမစိတ်ဆိုတာ ပြောလို့မရဘူး””

““ငါသေသေချာချာ တွက်ထားတာ မောင်နီ၊ ဖြစ်ကို ဖြစ်တယ်ကွာ လုပ်စမ်းပါ””

““ခွီးပဲ ...မင်းဘာသာယုံရင် မင်းဘာသာ လုပ်စမ်းပါ””

နောက်ဆုံးတော့ ကျွန်တော့်ဖန်တီးမှုကို မည်သူမှ မစွန်စားရဲကြ၊ ကိုယ့်ဖန်တီးမှု ကိုယ်ယုံရင် ကိုယ်လုပ်။ ဒါပဲရှိသည်။ ကျွန်တော့်နည်းက တခြား မဟုတ်၊ ဒိုင်ယာရီစာအုပ် တစ်အုပ်ဝယ်ကာ ခင်မျိုးထွေး၏ နေပုံထိုင်ပုံ၊ ပြောပုံ၊ ၀တ်စားပုံတွေ ကို ဂရုတစိုက်ရေးမှတ် (ကိုယ်ရေးကိုယ်တာတွေ နှင့်ရော၍) ထို့နောက် စာအုပ်ကို ခင်မျိုးထွေး လွယ်အိတ်ထဲ မသိအောင်ထည့်။ ဒါပဲဖြစ်သည်။

ဥပမာ ...

မျိုး ဒီနေ့ စံပယ်ပန်းကလေး ပန်လာ ...။ အနားက ဖြတ်လျှောက်တော့ ရင်ခွင်တစ်ခုလုံး စံပယ်ပန်းတောကြီးဖြစ်သွား။ မျိုးကို စာမေးတော့ ရပါ့မလားလို့ စိုးရိမ်နေမိ။ မျိုး အထစ်အငေါ့မရှိ ဖြေသွားတော့မှ သက်ပြင်းချရ (စားပွဲခုံအောက် တန်းကို ဆုပ်ကိုင်ထားမိသည်)။ မျိုးဖျက်တဲ့ ခဲ ဖျက်ကလေးဟာ ၀က်ဝံရုပ်ကလေးနော်။ ကျောင်း အပြန် လက်ဖက်ရည်သောက်။ လေအိုး ၅ိ/-ချေး။ ရှေ့အပတ် ကျောင်းပြေးကာ ရုပ်ရှင်ကြည့်ရန် မောင်နီပြော၊ ရဲမြင့်တိုးထံမှ ဂစ်တာငှားရန်။ ဆရာမ ထံ စာအုပ်ဖိုး ငွေသွားပြီ။

...ဆိုတာမျိုးတွေကို ထိုဒိုင်ယာရီထဲမှာ နေ့စွဲ တပ်ကာ တစ်နေ့နှင့်တစ်နေ့ မထပ်အောင် ရေးရ မည်။ ထိုစာအုပ်ကို သူ့ထံရောက်သွားလျှင် သူ့ကို ဂရုစိုက်ကြောင်း၊ ခံစားနေကြောင်း ခင်မျိုးထွေး သိသွားမည်။ ဆရာမကို ပြလျှင်လည်း ထိုအရာ သည် ရည်းစားစာမဟုတ်ကြောင်ှးီုဗျွ့ ဖြစ် ကြောင်း၊ တစ်ယောက်ယောက်နောက်ကာ ထည့် ခြင်းဖြစ်ကြောင်း ငြင်းရမည်။ ကျွန်တော့်ဘက်က လုံခြုံစေရန် ခင်မျိုးထွေး အကြောင်းသာမဟုတ်၊ တခြား သူငယ်ချင်း ကောင်မလေးတွေ အကြောင်း လည်း ရေးထည့်ရမည်ဖြစ်သည်။

ကျွန်တော်ကတော့ ဆုံးဖြတ်ပြီးသားဖြစ်သဖြင့် ခင်မျိုးထွေး ဘာလုပ်သည်၊ ဘာဖြစ်သည်၊ ဘာ ထူးခြားသည် ဆိုတာတွေကို တစ်ပတ်လောက် လေ့လာရသည်။ ဖိနပ်၊ လွယ်အိတ်၊ ပန်လာသည့် ပန်း၊ ကိုင်သည့် ဘောလ်ပင်၊ ကွန်ပါဘူး စတာ တွေကို မှတ်သည်။ ထိုသို့ ဂရုစိုက်ရင်းက ကွန်တော် ခင်မျိုးထွေးအပေါ် နည်းနည်း စိတ်ဝင် စားလာ၏။ စိတ်လှုပ်ရှားလွယ်ချိန် ဖြစ်သဖြင့် ကျွန်တော် ခင်မျိုးထွေးကို ချစ်ပစ်လိုက်သည်။

ကျွန်တော့်၏ နှစ်လစာDIARY ကို တစ်ပတ် ခန့် မှတ်သားပြီး သုံးရက်တည်းနှင့်အပြီး စဉ်းစား ကာ ရေးရ၏။ တစ်ပတ်စာ လေ့လာထားသော တွေ့ရှိချက်တွေကို ပွားတန်ပွားရ၏။ လွန်ခဲ့သည့် လက ဖြစ်ခဲ့တာတွေကိုတော့ စာတော်သော ကျောင်းသူတစ်ယောက် ဖြစ်လေ့ဖြစ်ထရှိမည့် ကိစ္စ တွေကို ဖန်တီးခန့်မှန်းကာ ရေးသည်။ နေ့စဉ် ရေးသားမှန်း သိသာစေရန်၊ ဘောလ်ပင်အရောင် မတူအောင် ဟိုကောင်တွေ ငါးယောက်ထံမှ ဘောလ်ပင်တွေ ငှားရသည်။ နောက်ဆုံးDIARYကျောဘက်မှာ အကြွေးတွက်ထားတာပင် ဘောလ်ပင် ထည့်ရေးလိုက်၏။ ကျွန်တောDIARY သည် တကယ်ကို နေ့စဉ်မှန်မှန်ရေးထားသောDIARY တစ်အုပ်နှင့် တူသွားပြီ ဖြစ်လေသည်။

သူငယ်ချင်းတွေကို ပြတော့ အားလုံးက ထိတ်လန့်ကြသည်။ သူတို့နာမည်တွေ ပါနေသော ကြောင့် ပြဿနာတက်လျှင် သူတို့ပါ အဆော်ခံ ရမည်ကို စိုးရိမ်နေသောကြောင့် ဖြစ်၏။ လေအိုးက သူ့နာမည်ကို အတင်းဖျက်မည်ဟုဆိုကာDIARYကို အတင်းလုသည်။

““မလုပ်ပါနဲ့ကွာ ...ဒါ ငါသဘာဝကျအောင် ရေးထားတာပါ။ မင်းတို့နဲ့ မဆိုင်ပါဘူး။ ဒါ ငါ့စာအုပ် ပဲ။ ခင်မျိုးထွေး သွားတိုင်လည်း ငါပဲ အဆော်ခံရမှာ ပါ။ မင်းတို့နဲ့ မဆိုင်ပါဘူးလို့ ငါဝန်ခံပါမယ်ကွာ””

အကြိမ်ကြိမ် ကတိပြုပြီးမှ လက်ခံကြသည်။

ထိုစာအုပ်ပါးပါးကလေးကို ခင်မျိုးထွေး လွယ်အိတ်ထဲရောက်အောင် ထည့်ဖို့သာ ကျန် တော့၏။ ကျွန်တော်က ကျောင်းတက်ချိန်ထက် မုန့်စားဆင်းချိန်ကို ရွေးချယ်လိုက်သည်။ မုန့်စား ဆင်းချိန်က အတန်းထဲမှာ လူရှိတတ်သော်လည်း ကိုယ့်မုန့်ကိုယ်စား ကိုယ့်ထမင်းဘူး ကိုယ်စားနေကြ သဖြင့် ပို၍ အခွင့်အရေးသာသည်။

မုန့်စားဆင်းတော့ လူအရှင်း၊ လူအလစ်ကို စောင့်ကာ ကျွန်တော် ခင်မျိုးထွေး ခုံအနားမှာ ဘောလ်ပင်ပြုတ်ကျယောင်ဆောင်၊ကျန်သူငယ် ချင်းများက ကွယ်ပေးပြီး ကျွန်တော့်ဒိုင်ယာရီ အပါး ကလေးကို ထည့်ရသည်။ မည်သူမျှ သတိမထား မိကြ။

မုန့်စားကျောင်းပြန်တက်တော့ ကျွန်တော်တို့ ငါးယောက် စကားမပြောရဲ အသက်မရှူရဲလောက် အောင်ကို ဖြစ်သည်။ ခင်မျိုးထွေးသိသွားပြီး ဆရာ့ ကိုများ တိုင်မလား။ မင်္ဂလာပါ ဆရာ ...တိုင်း ကျွန်တော်တို့ ရင်ခုန်ရသည်။ ကျွန်တော်က အဆိုး ဆုံးဖြစ်ပါသည်။ ခင်မျိုးထွေး စာအုပ်ထုတ်ရန် လွယ်အိတ်ကိုင်တိုင်း ပါးစပ်ထဲမှာ ဘာအရသာမှန်း မသိ အတုံးလိုက်ရှိနေတတ်သည်။ ကျွန်တော် စာအုပ်အနှောင့်တွေ နောက်ကို သေသေချာချာ ထိုးထည့်ခဲ့ပါသည်။

ထိုနေ့က ““ကမ္ဘာမကြေ””ကျောင်းဆင်း သီချင်းကို ခပ်သုတ်သုတ်ဆိုကာ အခန်းထဲမှ အရင် ဆုံး ပြေးထွက်သူမှာ ကျွန်တော်တို့ ငါးယောက် သာ ဖြစ်သည်။

နောက်တစ်နေ့ မနက်တော့ ရင်ခုန်စရာ အကောင်းဆုံးနှင့် ကြောက်စရာ အကောင်းဆုံးသာ ဖြစ်လေသည်။ အချိန်ဇယားနှင့်ကိုက်ကာ စာအုပ် များ ထည့်ရင်း ခင်မျိုးထွေးDIARY ကို တွေ့မည် မှာ ကျိန်းသေနေပြီဖြစ်၏။

““မင်းက ခွီးမို့DIARY မှာ မင်းနာမည် ထိုး ထားရတာလဲ””

““ဟ ..ဒါမှ ငါ့စာအုပ်မှန်း သိမှာပေါ့ သခေါ ရ””

““မလိုပါဘူးကွာ ...စာပေးတယ်၊ သူ မတိုင် ဘူးဆိုရင် အောင်မြင်တာပဲဟာ၊ ဘယ်သူဆိုတာ သိစရာမလိုဘူး””

““ငါက သူ့ကို ကြိုက်သွားပြီကွ၊ တကယ်””

““အေး ..သေ ..သေ””

သခေါနှင့် လေအိုးက ကျောင်းမတက်တော့ ဟု ပြောသည်။ မောင်နီနှင့် ရဲမြင့်တို့ကတော့ ဘာမှမပြော။ သို့သော် ဘာဖြစ်မလဲဆိုတာကို လည်း သိချင်နေကြ၏။ ကျွန်တော်ကတော့ တင်ပါးနှစ်ခု အရင်းပြုလိုက်ရပြီ ဖြစ်လေသည်။

အတန်းထဲရောက်တော့ ခင်မျိုးထွေး မျက်နှာ က သိပ်မထူးခြား။ ကျွန်တော့်ကို သုံးလေးခါ ကြည့်တာတော့ ထူးခြားသည်။ ကျွန်တော် ပြန် မကြည့်ရဲ၊ ရင်တော့ခုန်နေသည်မှာ ပြောစရာ မရှိ တော့။ ဟိုကောင်တွေကတော့ ကျွန်တော့်ကို ခင်မျိုးထွေးကြည့်တိုင်း လန့်လန့်နေကြ၏။ သွားပြီ ဟုလည်း ထင်ကြသည်။ ကျွန်တော်တို့ သိသိ သာသာ မျက်နှာပျက်နေကြသည်။

““မင်္ဂလာပါ ဆရာမ””

တစ်တန်းလုံးအော်ပြီးတော့ ကျွန်တော် မျက်စိမှိတ်ကာ ထိုင်ချလိုက်သည်။ ခင်မျိုးထွေး မတ်တပ်ရပ် ကျန်ခဲ့မှာလား၊ ကျွန်တော် မျက်စိ မှိတ်ကာ ထားသည်။

““ဟေ့ကောင်မှင်စာ ...မရပ်ဘူးကွ၊ ထိုင် တယ် ...ထိုင်တယ်””

ကျွန်တော့် ရင်ခုန်သံ တဒုတ်ဒုတ်ကို ကျွန်တော် ယခုအချိန်အထိ ကြားနေရပါသေး သည်။ ထိုနေ့က ခင်မျိုးထွေး အေးအေးဆေးဆေး ပင် ရှိပါသည်။ ကျွန်တော့်ကို နောက်ထပ်နှစ်ကြိမ် လောက် ခိုးကာကြည့်၏။ ကျွန်တော့် ရင်ထဲမှာ ဆရာ ချစ်ဦးညိုရေးသည့် လင်္ကာဒီပချစ်သူထမှ ဒဿဂီရိစီးသည့် စစ်ရထားအစင်းတစ်ရာ မောင်းနေ ကြသည်။

အိမ်သာသို့ ခိုးထွက်ကာ အောင်မြင်ကြောင်း လုကာလုကာ စကားပြောရသည်။ ကျွန်တော်နဲ့ ခင်မျိုးထွေးတို့ အဆင်ပြေပြီ။ သို့သော် မုန့်စားဆင်း တော့ ခင်မျိုးထွေး ကျွန်တော့်ကို ဂရုမစိုက်တော့ မကြည့်တော့။ သူရှက်နေတာပေါ့လေ ...။

ဒါပေမယ့် ...

နောက်နေ့၊ နောက်အပတ်၊ နောက်လတွေ မှာလည်း ထိုအတိုင်း။ ကျွန်တော် နားမလည်။ ခင်မျိုးထွေးသည် စာကို ကျက်သည်။ စံပယ်ပန်းကို ပန်သည်။ ၀က်ဝံရုပ် ခဲဖျက်ကလေးကို သုံးသည်။ ခုံမြင့်အ၀ါကလေးကို စီးသည်။ ခါလာကြီး၏ ဘယာကြော်နှင့် အိမ်ကဓာတ်ဗူးနှင့် ယူလာသော ကော်ဖီကို သောက်သည်။ သို့သော် ကျွန်တော့်ကို ကား ဘာတစ်ခုမှ တုန့်ပြန်မလာ။

““မင်း တစ်ခုခုတော့ လုပ်သင့်ပြီမှင်စာ၊ မင်း စာအုပ် သူရတာ ကျိန်းသေတယ်၊ ဆရာမကို လည်း မတိုင်ဘူး။ မင်းဘာဆက်လုပ်မလဲ””

ကျွန်တော်လည်း ဘာဆက်လုပ်ရမှန်းမသိ။ နောက်ဆုံးအားလုံးပေးသောအကြံအရ ခင်မျိုးထွေး ၏ တစ်ဦးတည်းသော သူငယ်ချင်းပပကို ချဉ်းကပ် ကာ ...ကျွန်တောDIARYစာအုပ်ကို လေအိုးက ခင်မျိုးထွေး လွယ်အိတ်ထဲ နောက်ကာထည့်လိုက် ကြောင်း၊ ထို DIARYစာအုပ်ကို ဖတ်သလား၊ ဘာထူးခြားသလဲ၊ ပြန်ပေးပါဟု တောင်းရသည်။ လုပ်ဇာတ်တစ်ခု ထွင်ရ၊ ဖန်ရခြင်း ဖြစ်၏။

ပပက စိတ်ဝင်စားကာ သူမေးပေးမည်ဟု ကတိပေးသည်။ သို့သော် ပြန်လာသော စကား အရ ခင်မျိုးထွေးက သူမ ဘာDIARYစာအုပ်မှ မရပါဟူသော စကားသာဖြစ်သည်။ ကျွန်တော်တို့ ရူးချင်သွား၏။ ဘာဆက်လုပ်ရမှန်း မသိကြတော့။ ထိုအဖြေသည် မရိုးသားမှုတစ်ခု ဖြစ်ရမည်။ ပပ သိသွားသဖြင့် ရှက်ကာငြင်းခြင်းလည်း ဖြစ်မည်။ ထို့ကြောင့် ကျွန်တော်ကိုယ်တိုင် လိုက်မေးရန် သူငယ်ချင်းများက မြှောက်ပေးကြ၏။ ကျွန်တော် ကလည်း ရည်းစားစာပြောလျှင် ရည်းစားစကား ပြောနှင့်လိုက်ဖို့ ဆုံးဖြတ်ချက်ကို ချသည်။ သူ ဆရာမ တိုင်လျှင်လည်း ရည်းစားစကားပြောခြင်း မဟုတ်၊ စာအုပ်ပြန်တောင်းခြင်းဟု ကာကွယ်နိုင် သည်။

ကျွန်တော်လိုက်သည့်နေ့က တုန်လှုပ်သည် ကိုတော့ ၀န်ခံရမည်။

သို့သော် ခင်မျိုးထွေးက အေးအေးဆေးဆေး ပင် အနားကပ်ခံ၏။ ကျွန်တော် တော်တော်နှင့် စကားပြောမထွက်၊ နောက်ဆုံးမှ ကြိုးစားကာ ပြောရသည်။

““ခင်မျိုးထွေး ကိုယ့်စာအုပ်ရတယ် မဟုတ် လား””

““ဘာစာအုပ်လည်း မှင်စာ ...””

“DIARYစာအုပ်လေ””

““ဘာတွေလာပြောနေတာလဲ ...ဘာDIARY စာအုပ်မှ မရဘူး””

““မဟုတ်ဘူးလေ ..နင့်လွယ်အိတ်ထဲကို ငါကိုယ်တိုင် ...””

““အိုး မရပါဘူးဆို ဘာစာအုပ်မှ မရဘူး။ ငါ ဘာမှမသိဘူး။ နင်ငါ့ကို မနှောင့်ယှက်နဲ့နော်””

ထိုစကားနှင့်ပင် ကျွန်တော် လက်လျှော့ကာ ပြန်ပြေးရ၏။ အဖြေကား ရှာ၍မရ။ ဘာမှ ထပ် ဖန်တီး၍လည်း မရတော့။ ခင်မျိုးထွေးကား ပထမ အစမ်းမှာ အဆင့် (၁)ရမြဲ။

(လေး)

ကျွန်တော်တို့ ကျောင်းမှာ နံရံကပ်စာစောင် အမြဲလုပ်သည်။

ဝဿန်၊ ဟေမာန်၊ ဂိမာန် ..ဟု သုံးပွဲအမြဲ ကျင်းပ၏။ ဦးဆောင်သူက ဆရာ ဦးမောင်မောင်စိုး ပင်ဖြစ်သည်။ ဆရာက မောင်မောင်နွေစိုးဆိုသော ကလောင်ဖြင့် ၀တ္ထုတိုနှင့် လုံးချင်းဝတ္ထုတွေ ဘာ တွေ ထုတ်ဖူးသည်။ ကျွန်တော်လည်း နံရံကပ် စာစောင်ရေးနေကျမို့ “နှင်းစက်၏ သော့တွဲများ”ဟူ သော ကာရန် ကဗျာတစ်ပုဒ်ကို ပေးသည်။ နံရံ ကပ်စာစောင်အဖွဲ့က ရွေးချယ်ပါ၏။

သို့သော် ကျွန်တော့်ကဗျာကို မည်သူကမှ မချီးမွှမ်းကြပါ။

ဆရာ၊ ဆရာမများနှင့် ကျောင်းသား၊ ကျောင်းသူများ ချီးမွှမ်းသော လူကထူးခြားစွာ ခင်မျိုးထွေးသာ ဖြစ်သည်။ ခင်မျိုးထွေး၏ “ကျွန်မ ၏ ဒိုင်ယာရီ”ဆိုသော ၀တ္ထုတိုကလေး အရမ်း ကောင်းတာပဲ ...တဲ့။ (ခင်မျိုးထွေးသည် နံရံကပ် စာစောင်မှာ တစ်ခါမှ ကဗျာ၊ ၀တ္ထုရေးဖူးသူ မဟုတ်)။

ကျွန်တော်တို့ ငါးယောက်စလုံး ၀ုန်းခနဲ နံရံ ကပ်စာစောင်တွေ ရှေ့ရောက်သွား၏။ ကျွန်တော့်DIARYထဲက စကားလုံးတွေကို လူနေရာပြောင်း ကာ ရေးထားခြင်းဖြစ်သည်။ ကျွန်တော်တို့ အံ့သြ ခြင်း၊ ၀မ်းသာခြင်း ..တွေ ခံစားရ၏။ မှတ်မှတ်ရရ ခင်မျိုးထွေးက အဆုံးသတ်ကို အလွမ်းနှင့် သိမ်း ထား၏။ သူမ အမြဲဂရုစိုက်နေသော ကောင်လေး က စာမေးပွဲကျကာ သူမက အောင်သွားခြင်း ဖြစ်သည်။ ထိုဇာတ်သိမ်းတစ်ပိုဒ်တည်းကိုသာ သူ ရေးခြင်းလည်း ဖြစ်သည်။

ကျွန်တော်တို့မှာ ဘာမှပြောလို့ မရ။

အခုမှ ဒါကျွန်တော့်ဝတ္ထုပါဆို၍ ဟစ်ကြွေး လို့ မရ။ ဆရာမကို တိုင်၍လည်း မဖြစ်။ ခင်မျိုးထွေးကို ကျောင်းသူ၊ ကျောင်းသား တွေ ချီးကျူး တာ ကြားရ တိုင်း ကျွန် တော့်မှာ အ သည်း နှစ် ခါပြန် သုံး ခါပြန်နာသည်။ အံကြိတ်ရုံမှတစ်ပါး အခြားမရှိ။ အံ့သြရတာက ထင်မှတ်မထားဘဲ ခံရခြင်းကြောင့် ဖြစ်သည်။ ၀မ်းသာရတာက ခင်မျိုးထွေးDIARYကို တကယ်ရသည်။ ဒေါသထွက်ရတာက တော့ ကိုယ့်စကားလုံးများနှင့် သူချီးမွမ်းခံနေရ၊ ဂုဏ်တက်နေရသောကြောင့် ဖြစ်၏။

သို့သော် လောကကြီးက အင်မတန် အံ့သြ စရာ ကောင်းပါသည်။ မတရားမှုကို သဘာဝ လောကကြီးက လက်မခံပါ။ ထိုနှစ်ကတစ်ကျောင်း လုံးက ဘက်စုံအထင်ကြီးသော ခင်မျိုးထွေး ဆယ်တန်းကို ဖုန်းကနဲကျလေသည်။ ကျွန်တော် တို့ ငါးယောက်စလုံး အောင်၏။ ရဲမြင့်တိုးကEnglish စာ ဒီပင်ပါသေးသည်။ ခင်မျိုးထွေး ဘာ ဖြစ်လို့ကျတာလဲဆိုတာ အားလုံးအံ့အားသင့်၍ စုံစမ်းကြရသည်။

““နံရံကပ်စာစောင်မှာ ပါပြီးကတည်းက ၀တ္ထု တွေ ရေးရေးပြီး မဂ္ဂဇင်းကို ပို့နေလို့””

““ဟာဍ ...ဍ””

““ဟုတ်လား ဆရာမ၊ တကယ်လား””

““ဟုတ်တယ်၊ ဆရာမနဲ့ သူ့အိမ်က တားတာ လည်း မရဘူး၊ ဘယ်လိုဖြစ်သွားလည်း မသိပါဘူး ကွာ၊ နှမြောစရာ ကောင်းလိုက်တာ ...””

ခင်မျိုးထွေး စာရေးဆရာမ ဖြစ်နေလား၊ မဖြစ်ဘူးလား၊ ကျွန်တော် မသိတော့ပါ။ 

(၁၉၈၃-၈၄)

သူငယ်ချင်းများအမှတ်တရ

နီကိုရဲ

၂၄-၁၀-၂၀၁၂ တွင် ကွယ်လွန်သွားသည်မှာ သုံးနှစ်ပြည့်ခဲ့ပြီဖြစ်သော ဆရာနီကိုရဲကို ဂုဏ်ပြုသော အားဖြင့် အမှတ်-၉၂၊ ဟန်သစ်မဂ္ဂဇင်းတွင် ဖော်ပြခဲ့ သည့် ၀တ္ထုတိုကို ပြန်လည်ဖော်ပြအပ်ပါသည်။