အဆုတ် တီဘီရောဂါ ရှိထားပြီးသောသူများ အနေဖြင့် သလိပ်တွင်ပါဝင်သော တီဘီပိုးများကို မြိုချမိသော ကြိမ်ဖန်များလာပါက နောက်ဆက်တွဲရောဂါအနေဖြင့် အူတီဘီ ဖြစ်နိုင်ကြောင်း ဆရာဝန်များက ပြော သည်။

အူတီဘီအမျိုးအစား အမျိုးမျိုးရှိပြီး အူမှာဖြစ်သည့် တီဘီ၊ အူလမ်းကြောင်းဘေး တွင်ရှိသော အကျိတ်တွင်ဖြစ်သည့် တီဘီ၊ ၀မ်းတွင်းအမြှေးပါး (Peritonium) မှာဖြစ်သည့် တီဘီ၊ အူသိမ် အရင်းပိုင်း (lleum) နှင့် အူမကြီးအစ (Caceum) ဆုံသည့်နေရာ (အူအတက်ရောင်တတ်သည့် နေရာ ၀န်းကျင်)များတွင် ဖြစ်တတ်ကြောင်း သိရ သည်။

“အထူးသဖြင့် သလိပ်မှာ တီဘီပိုးရှိရင် အဲဒီပိုးပါတဲ့ သလိပ်ကို မျိုချမိတဲ့အခါအဆုတ်တီဘီကနေ အူကိုပြန့်ပြီး ဖြစ်တာ များတယ်၊ အူတီဘီရောဂါရဲ့ လက္ခဏာတွေက တိတိကျကျမရှိပါဘူး အူနဲ့ပတ်သက်ရင် ဗိုက်နာတာ၊ ဗိုက်အောင့်တာစတဲ့ ယေဘုယျဆန်တဲ့ လက္ခဏာတွေပဲ ပြတတ်တော့ ရောဂါကို စောစောသိနိုင်ဖို့က မလွယ်ဘူးပေါ့။ အူမှာအနာဖြစ်ရင်တော့ ဗိုက်ကမကြာမကြာ အောင့်တတ်ပါတယ်။ အထူးသဖြင့် ညာဘက်ချက်ဝန်းကျင်က အောင့်တတ်ပါတယ်။ အဲဒီလို ဗိုက်အောင့်ရင် သံသယရှိသင့်ပါတယ်”ဟု အထွေထွေ ရောဂါကု ဆရာဝန် ဒေါက်တာ အောင်ရဲခိုင် က ပြောသည်။

အူတီဘီဖြစ်ရသည့် အကြောင်းရင်း လေးမျိုးရှိပြီး ခန္ဓာကိုယ်တွင်ဖြစ်သည့် တီဘီပိုး (ဥပမာ-အဆုတ်တီဘီ)မှ တစ်ဆင့် အူကိုပြန့်ပြီး ဖြစ်ခြင်း၊ သလိပ်မှ တီဘီပိုးရှိလျှင် အဆိုပါ ပိုးရှိသည့် သလိပ်အား မျိုချ မိသည့်အခါ အူကိုပြန့်ပြီး ဖြစ်ခြင်း၊ သားငန်ရည်အကျိတ် (Lymphatic Node) မှာ တီဘီပိုးရှိလျှင် အူသို့ပြန့်ပြီး ဖြစ်ခြင်း၊ နီးစပ်ရာ ဆီးလမ်းကြောင်း၊ ကျောက်ကပ်များတွင် တီဘီပိုးရှိရာမှတစ်ဆင့် အူတီဘီဖြစ်ခြင်း လေးမျိုးရှိကြောင်း သိရသည်။

အူတီဘီ လေးမျိုးတွင် အဆုတ်တီဘီနှင့် သလိပ်မှတစ်ဆင့် ကူးစက်တတ်သော တီဘီပိုး နှစ်မျိုးမှာ အူတီဘီ အဖြစ်များ ကြောင်း ဆရာဝန်များမှ သုံးသပ်သည်။

“အဆုတ်တီဘီပိုးကို ဆေးသောက် ပြီး ပျောက်ကင်းသွားသူတွေမှာလည်း အူမှာပိုးကပ်ငြိ နေနိုင်ပြီး အဓိကကတော့ ပိုးရှိသူတွေအနေနဲ့ သလိပ်ပါတဲ့ တံတွေးကို မျိုမချ မိအောင် ဂရုစိုက်ရမယ်။ တကယ်တော့ ပျမ်းမျှအားဖြင့် တီဘီပိုးက ဖွံ့ဖြိုးဆဲနိုင်ငံ တွေမှာ လူသုံးယောက်အနက် တစ်ယောက်လောက် ရှိနေနိုင်ပါတယ်။ ကိုယ်ခံအား ကောင်းနေတဲ့ အချိန်မှာ ဘာမှမဖြစ်ပေမယ့် ကိုယ်ခံအားကျသွားတဲ့အခါ၊ စိတ်ဖိစီးမှု များတဲ့အခါ၊ တခြား ရောဂါပိုးနဲ့ ရောဂါတွေဝင်လာတဲ့ အခါတွေမှာ တီဘီပိုးက ထ ကြွလာနိုင်ပါတယ်”ဟု အထွေထွေရောဂါကု ဒေါက်တာ ကိုဝဏ္ဏက ပြောသည်။

အချို့လူများတွင် အူနံရံထူလာပြီးအူပိတ်တတ်သောကြောင့် ယင်းအချိန်များ တွင် ခွဲစိတ်ကုသရတတ်ပြီး ဗိုက်အောင့်၊ဗိုက်နာခြင်း အစာအိမ်ရောဂါနှင့် အခြား အူလမ်းကြောင်း ရောဂါများကြောင့် မဟုတ်ဘူးဆိုလျင် အူတီဘီဖြစ်သည်ဟု သံသယ ရှိသင့်ကြောင်းနှင့် ဃွှခညေ ရိုက်လျင် ရောဂါနုစဉ်အချိန်တွင် သိရှိနိုင် ခြင်းမရှိဘဲ ရောဂါရင့်သည့် အခါမှသာ သိနိုင်ပြီး အဆုတ်တီဘီကဲ့သို့ တီဘီပိုးစစ်ခြင်း၊ ဓာတ်မှန်ရိုက်ခြင်းများ ပြုလုပ်လျှင် မသိနိုင်ဘဲ ၀မ်းထဲသွေးပါလျှင် ၀မ်းအား စစ်ဆေးမှုပြုလုပ်ပြီးမှသာ သိရှိနိုင်မည်ဖြစ် ကြောင်း ၎င်းက ဆက်လက်ပြောကြားသည်။

အူတီဘီဖြစ်ပြီး အူပေါက်ခြင်း၊ အူပိတ်ခြင်း ဖြစ်ပေါ်ခဲ့လျှင် ခွဲစိတ်ကုသမှု ခံယူပြီးသည့် အချိန်များတွင် အူတီဘီပိုး ကင်းအောင် တီဘီဆေးသောက်သုံးရန် လို အပ်ကြောင်း သိရသည်။

တီဘီဆေးကို အနည်းဆုံး ကိုးလ-တစ်နှစ် သောက်သုံးရမည်ဖြစ်ပြီး အဆုတ်တီဘီပိုးအား ခြောက်လတာ သောက်ရမည်ဆိုသော်လည်း အူတီဘီဖြစ်လျှင် ပို၍ ကြာကြာ သောက်ရမည်ဖြစ်ပြီး စစ်ဆေးမှုများကိုလည်း အမြဲပြုလုပ်ရမည် ဖြစ်သည်။

“အိပ်ခ်ျအိုင်ဗွီပိုးမရှိဘဲ တီဘီပိုးတစ်မျိုးတည်းသာ ကူးစက်ခံထားရသူများ ရဲ့ ၅ ရာခိုင်နှုန်း မှ ၁၀ ရာခိုင်နှုန်း ကသာ သူတို့ရဲ့ သက်တမ်းတစ်လျှောက် တီဘီရောဂါလက္ခဏာကို ခံစားကြရတယ်။ အိပ်ခ်ျအိုင်ဗွီနဲ့ တီဘီပိုးနှစ်မျိုးလုံး ကူးစက်ခံရသူများမှာ တီဘီရောဂါကို ပိုမိုဖြစ်ပွား တက်ကြတယ်။ တီဘီရောဂါ ဖြစ်ပွားနေသူတစ်ဦးဟာ ဆေးမကုသဘဲ ထားလို့ရှိရင် ပျမ်းမျှ လူ ၁၀ ဦး မှ ၁၅ ဦး ထိ ကူးစက်နိုင်တယ်”ဟု အထွေထွေရောဂါကု ဆရာဝန် ဦးသန့်ဇင်က ပြောသည်။

ကမ္ဘာအနှံ့အပြားရှိ နိုင်ငံများတွင် ၁၇၀,၀၀၀ ခန့် ကလေးသူငယ်များ နှစ်စဉ် တီဘီပိုးကြောင့် သေဆုံးလျှက်ရှိပြီး မြန်မာ နိုင်ငံတွင် နှစ်စဉ် တီဘီရောဂါ ဖြစ်ပွားသူ တစ်သိန်းကျော်ရှိကြောင်း အမျိုးသား တီဘီရောဂါ တိုက်ဖျက်ရေးစီမံကိန်း၏ မှတ်တမ်းများအရ သိရှိရသည်။

မြန်မာနိုင်ငံတွင် တီဘီရောဂါ တိုက်ဖျက်ရေးစီမံကိန်းကို ၁၉၆၆-၆၇ ခုနှစ် မှစတင်၍ ဆောင်ရွက်ခဲ့ပြီး ၁၉၉၄ ခုနှစ်မှစတင်လျက် တီဘီရောဂါကို တိုက်ရိုက် ကြည့်ရှု အချိန်တိုကုထုံး (DOTS) ဖြင့် တစ်နိုင်ငံလုံး လွှမ်းခြုံ၍ အခမဲ့ကုသ ပေးလျက် ရှိနေကြောင်း သိရသည်။